FACEBOOK

朋友咁寫:
A 君: Another surprise from Nathan, this time he pushed me from behind and said「老爺，老爺，走呀，老爺
B 君: hahahahha.... that's funny!!! Which Chinese drama series did he learn that from??
ME: 應該係老爺叫雞,太太來捉姦,响妓寨逃亡時大叫「老爺，老爺，走呀，老爺」...
你老婆係太太跟住你個仔來報串咁咪係個老...
哎呀大獲
C 君: HAHA....Nathan 究竟睇咩戲呀
D 君: Too much Canton drama...
B 君: 你啲想像力真係冇得頂！ ：）
ME: 除了召妓通水之外我想不到為什麼只叫老爺一個走? Tell me. LOL

Anyone?

大公司的一角

開源節流係時下好多公司嘅政策之一；响我部鬥就有２部 printer. 一部叫人唔好 close tray, 一部叫人唔好 open drawer. 真係麻煩。新机幾錢啫？真小家。睇相啦。

橙的一生(上)

公司有一位環保女仕辜且叫佢作〝朱麗沙〞啦。成日叫人救地球，地球有乜好救呢？多我一個唔多，少我一個唔少。但係有一日佢趁我唔响度嘅時候....謀殺咗一個橙，但因為內疚就幫但做咗一個手術。手術成功與否暫時都末知不過浪費資源就一定嘅啦！有相為證。

嗰橙好番啲未？遲啲話你知。



嘩. 呢個字都得？哈哈。實在太興奮啦。

政治與屎

我從來都唔投票,係因為實在揀不落手。我亦都相信同道中人大有人在;投票一向都係唔係話揀邊個好而係揀邊個冇咁衰。唉....真悲哀。

加拿大有三個主要政黨:保守黨,自由黨,新民主黨。我唔知邊個打邊個不過我感覺呢三個黨似牛屎,狗屎同貓屎。點解?

如果一定要三選一我揀牛屎;因為至少佢亁嘅時候唔係咁臭。之但係呢個世界鍾意狗嘅人又大把喎。每當有狗咬人事件發生之後一定有啲愛狗之人企出來理直氣壯咁講:唉,D狗唔會隨便咬人嘅;一定係有人撩佢,係嗰個人唔啱。咁....狗咬BB係狗唔啱了o掛,咪住!"應該"係BB做咗D令狗唔舒服Do野又或者係D父母問題。OMG!

鍾意貓嘅人又唔少喎,無論D貓有幾cool幾串D人都不離不棄,真犯賤。一句講晒"各有所好"。

所以响無神論,無政治興趣的我的心目中"嚇怕"政府算OK啦。勉為其難算佢係牛屎啦。

所以邊個話愛情係盲目的?我話政治係盲目就真。就算扑街到阿扁咁都仲有D fans就可以證明政治呢家嘢? OH SHIT! 咪搞我. 小生怕.

PK

响 wikipedia 揾到呢個. LMAO:

仆街 : 維基百科.

用法
在廣義上，仆街這詞有以下幾種用法：

形容詞（作「衰嘢」解）：呢條友做埋咁多仆街嘢，早就生仔無屎忽啦。／考試肥佬？你呢次真系仆街啦。
名詞（指責駡的對象。作「衰人」解）：呢個仆街，咁多人死唔見佢死。／叫嗰條仆街收皮啦。
副詞（表示非常失敗）：人賭錢你賭錢，又會輸得咁仆街咖！／你做人做得好仆街姐，行行下都會被棵樹砸瓜噶。
動詞（原意中性詞「碰到」或「撞傷」，引申為「不小心」解：小心啲嘛，仆街痛唔痛啊？／咁無用，早就叫佢去仆街啦！
嘆詞（表失望或自責。作「衰咗」解）：仆街！無啦啦落狗屎！／哎呀！仆街——去茅廁無帶紙巾！
拆分使用（「仆」作動詞，「街」作補語）：仆你個街，吃屎啦！／仆佢個街啊，咁都唔中？！ （類似「豈有此理」、「頂你個肺」等意思）
「反語」（褒義詞）。例如：個仆街仔，又幾醒目咯啵。／你好仆街喔，咁都溝到條女！亦有情侶或深交，互稱仆街，而不已為意。

Korean Movie?

我有一個同事一定要塞一疊韓國片叫我欣賞欣賞,我唯有睇啦.咁啱老婆大人出街買嘢於是乎我就擺隻牒入去睇啦.由於太悶所以我就去咗整出前一丁填肚.點知我老婆大人就係呢個時候打電話來,以下係我哋嘅對話:
老婆: 老公,你做緊咩嘢啊？
我: 煮公仔麵;睇緊咸片(韓片)
老婆: 嗄?睇咸片? (心諗咁誠實?)
我: 係呀,呢套咸片(韓片)悶到抽筋,成幾分鐘都不講嘢,咩仆街戲.早知就唔睇啦.
老婆: 乜咸戲要講嘢嘅咩?
我: 咩唔係啊,我煮完麵嗰兩隻嘢都係同一個姿勢又無嘢講,我以後都無睇咸片啦(韓片).
老婆: 你以後都唔睇咸片?
我: 唔睇,打死都唔睇啦
老婆: 咁好?
我: 係
老婆: ......唔 (猶疑)....我依家趕番來啦
我: 慢慢都未遲
老婆: bye. 嘟嘟嘟嘟嘟嘟嘟嘟嘟嘟嘟嘟嘟
我: 有冇搞錯咁急都有嘅

當然最後上訴得直啦. Haha. 揾個國語人試吓啦.